 |
 |
||||||||||||||||||||||||||||||||||||||||||||||||||||||||||||||||||||||||||||
 |
 |
 |
 |
 |
 |
 |
 |
 |
 |
 |
 |
 |
|||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||
 |
|||||||||||||||||||||||||||||||||||||||||||||||||||||||||||||||||||||||||||||
 |
 |
 |
 |
 |
 |
 |
 |
||||||||||||||||||||||||||||||||||||||||||||||||||||||||||||||||||||||
|
Tíberfljót
Áin Tíber rennur norðan úr Appenína fjöllunum og suður í Miðjarðarhafið við Ostíu, samtals 360 km. Segja má að Róm eigi ánni tilvist sína að þakka og út frá henni byggðist hafnarborgin Ostía. Elfur tímans Tíberfljót, il Tevere, skiptir borginni í vinstri bakka (austur) og hægri bakka (vestur), skv. hefð Rómverja að horfa á allt fyrir sunnan borg sína eins og séð úr norðri (en löndin norðan Rómar voru virt skv. nútíma skipulagi suður - norður) Ekki er þó venjan að greina á milli bæjarhluta eða hverfa eftir því hvorum bakkanum þau tilheyra, því Tíber hlykkjast um borgina og er Trastevere t.d. á sama lengdarbaugi, dulítið sunnar en gamli miðbærinn, en samt vel inni á vesturbakkanum. Líka er það örugg leið til áttavillu að taka mið af ánni á leið sinni um gamla miðbæinn. Munið að áin hlykkjast um bæinn; hér er ekkert slétt og fellt, ekkert hreint og beint. Hæðir og lægðir, hús byggð á hús ofan, hvert saman við annað og þröngar, bugðóttar göturnar þar á milli. Lífræn borg. Il Biondo Áin er kölluð “Il biondo“, ljóskan, vegna framburðar síns og hét Albula samkvæmt því í árdaga, en nafn hennar er hins vegar komið frá Tíberínusi konungi í Alba Longa suður af Róm sem drekkt var í ánni. Um 1870 hófust framkvæmdir við að hlaða upp bakka Tíbers, en allt framundir þann tíma flæddi áin hvern vetur langt yfir náttúrlega bakka sína og inn á götur bæjarins. Það ár náði miðbæjarflóðið upp yfir 2 m. háa járngirðingu sem þá var framan við Panþeon. Á Mínervukirkjuna þar rétt hjá hafa verið rist efstu flóðmörk árinnar. Leðjan sú sem fljótið ber með sér hefur með tímanum hækkað borgarlandið á eiðinu sem kallast Marsvellir og miðbærinn er byggður á. Dýralíf er nokkurt við og í ánni og eykst með ári hverju. Brúnrottur eru nokkuð áberandi og þær sagðar ansi ágengar. Meðaltalið segja þeir 5 rottur á hvern borgarbúa í borg eins og Róm. Ekki rugla þeim þó saman við aðeins stærra vatnanagdýr, grátt á feldinn, sem ku hafa sloppið úr búi á 6. áratugnum og fjölgað ört við ánna. Í ánni er töluvert af áli og þar sjást einstaka stokkendur. |
|||||||||||||||||||||||||||||||||||||||||||||||||||||||||||||||||||||||||||||
 |
|||||||||||||||||||||||||||||||||||||||||||||||||||||||||||||||||||||||||||||
 |
|||||||||||||||||||||||||||||||||||||||||||||||||||||||||||||||||||||||||||||
 |
 |
 |
 |
 |
 |
 |
 |
||||||||||||||||||||||||||||||||||||||||||||||||||||||||||||||||||||||
 |
 |
 |
|||||||||||||||||||||||||||||||||||||||||||||||||||||||||||||||||||||||||||
 |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|